♦السلام عليكم♦ Welcome! ♦ Willcommen! ♦ Добро пожаловать! ♦ Къеблагъэ! ♦

Previous Entry Share Next Entry
КъурIэн лъапIэм къыщыкIуа хущхъуэгъуэхэр иджырей медицинэм къехутэ
hamzat_07
♥ ♥ ♥ КъурIэн лъапIэм къыщыкIуа хущхъуэгъуэхэр
иджырей медицинэм къехутэ ♥ ♥ ♥
Алыхьым узыфэри дэтхэнэ зы узыфэм и хущхъуэри къигъэщIащ. Сыт хуэдэ удзыр сытым и хущхъуэгъуэми наIуэу КъурIэным къыщыкIуащ, ауэ ар иджырей медицинэм къыщихутэфыр иджыщ.
Пхъэщхьэмыщхьэмрэ хадэхэкIымрэ сэбэпынагъыу яхэлъыр, сыт хуэдэ узыфэр сыт хуэдэ удзымкIэ бгъэхъуж хъунуми Алыхьым и псалъэхэмкIэ щыгъуазэ дищIащ. КъурIэным къыщокIуэ: «Дэ къыфхудогъэкI жызум, жыг хадэхэр, оливкэхэмрэ гранатхэмрэ, зэщхьхэр, апхуэдэ дыдэуи зэщхьэщыкIхэр. Феплъ абыхэм, ахэр къыщыкIымрэ щыгъагъэ зэманымрэ. ИпэжыпIэкIэ, ар нагъыщэщ фIэщхъуныгъэ зиIэ дэтхэнэ зы цIыхум дежкIи». Мухьэммэд бегъымбар лъапIэм, Тхьэм и нэфIыр зыщыхуам, и медицинэми къыщыкIуащ абыхэм фIагъыу къапыкIыр. Къэтхьынщ щапхъэ зыбжанэ.
1. Кунжут дагъэ. Ар къулейщ микроэлементхэмкIэ, полинасыщеннэ кислота пшэрхэмкIэ. Абы хэлъщ В1, В2, В3, В4, В5, В6, В9, А, Е витаминхэр.
2. Ахъуэ (оливкэ) дагъэ. КъурIэн лъапIэм и 16, 11, 80, 25-32, 6, 141, 24, 3, 95-нэ Iэятхэм къыщыкIуащ ахъуэ дагъэм сэбэпынагъыу хэлъыр. Мухьэммэд бегъымбарым и суннэтхэм и хьэдисхэми щыжаIащ ахэр. Алыхь лъапIэм оливкэм и цIэкIэ Тхьэ еIуэ: «Тхьэлъанэ сощI инжирымрэ оливкэмкIэ». КъурIэн лъапIэм и тэфсирыр зыджахэм къызэрыхагъэщщи, тхьэлъанэ ищI щIыкIэкIэ, Къытщхьэщытым къегъэлъагъуэ оливкэм и сэбэпынагъым и инагъыр. Зи гугъу тщIы дагъэр сэбэп яхуохъу гу, лъынтхуэ узыфэ зиIэхэм, лъы дэуейр зэтес ещIыж, Iэпкълъэпкъым щэ лей иригъэщIыркъым. Абы хэлъщ А, В3, С, К, Е витаминхэр.
3. Губгъуэпхъ (тмин) дагъэ. А дагъэм урысыбзэкIэ цIэ куэд иIэщ: «чернушка посевная», «римский кориандр», «нигелла». Абы хэлъщ В1, В2, В6, В9, РР, Е, С, К витаминхэр. ЛIыкIуэ лъапIэм жиIащ: «Тминыр фи шхыныгъуэхэм ящыщ зы фщIы, сыт щхьэкIэ жыпIэмэ, ажалым къищынэмыщIа, сыт хуэдэ узыфэми абы и хущхъуэгъуэ хэлъщ». Тминыр хуабжьу сэбэпщ фошыгъу уз, артрит, гайморит, бронхиальнэ астмэ узыфэхэр зиIэхэмкIэ, фэр, лъынтхуэхэр фIы ещI, лъым хэлъ гемоглобиным хегъахъуэ. Апхуэдэуи ар хуабжьу сэбэп мэхъу лышх узыфэхэм ебэнынымкIэ.
4. Нары (гранат). Абы хэлъщ углеводхэр, витамин А (каротиноидхэр), В1, В2, В6, Вс, С, Р, РР-хэр. Гранатыр жэнэтым къыщыкI пхъэщхьэмыщхьэхэм ящыщщ.
5. Ахъо (инжир). УрысыбзэкIэ абы цIэ зыбжанэ иIэщ: «фига», «смоковница обыкновенная», «смоква». Абы хэлъщ В1, В3, РР, С витаминхэр. Ар сэбэп хуохъу гум и къеуэкIэм, егъэхъуж бронхиальнэ астмэр, псчэр, бгъэм къыхыхьэ узыр, Iупс бзаджэр. Абы щIыпцIэщIыдэ (миндаль) и гъусэмэ, нэхъ псынщIэу сэбэп мэхъу цIыхум и хьэлъагъым хигъэщIынымкIэ.
6. НыцIыбжьэ хъурмэ (финик). Мыбы икъукIэ витамин куэд хэлъщ: А, В1, В2, В3, В5, В6, В9, С, D, К. Ар сэбэпщ гу, лъынтхуэ узыфэхэмкIэ, шхалъэмрэ кIэтIийхэмрэ тэмэму егъэлажьэ.
7. Iэгъэбэгухэр: Языныкъуэ Iэгъэбэгухэм антибиотикхэр, нэгъуэщIхэри къыхащIыкI. Абыхэм яхэлъщ аминокислота зэмылIэужьыгъуэхэр, акъылыр ягъэжан, атеросклерозыр ягъэкIуэд, щхьэцымкIэ, щIыфэмкIэ сэбэпщ. Бегъымбар лъапIэм и хьэдисым къызэрыщыкIуащи, Iэгъэбэгур нэмкIи сэбэпщ.
♥ ПщыхьэщIэ Хьэмзэт.
Къулъкъужын Ищхъэрэ къуажэ
ШыщхьэIум (августым) и 29 – м 2015 гъэм
къыдэкIауэ щыта
«Адыгэ псалъэ» газетым
и № № 166 – 167 (23. 075) – м
къытехуауэ щытащ.

?

Log in

No account? Create an account